SOMOS DE PRIMERA

Somos de primera, y algo más que un triunfo ye lo que lo R. Zaragoza consiguié ayer en Valencia.
En un partido dramático y arropau por más de 10.000 zaragocistas, l'equipo aragonés no fallé, y sabiendo lo que se chugaba gané 1-2 a lo Levante, que yera salvau antis de empecipiar lo partido. 
Un golazo de falta directa en lo minuto 38 de Gabi, facié plegar ta lo descanso con ixe 0-1 que daba virtualmente la permanencia. Lo R. Zaragoza sabiendo lo que se chugaba habié muita más intesidá en ixa primera mitá, habiendo claras ocasións de gol, en do lo colegiau n' anulé dos  por fuera de chuego, lo primero  más claro a Boutahar y lo segundo de tozuelo a Uche  más dudoso.
La segunda mitá estié otri mónolo aragonés, Jarosik mandaba ta lo larguero la pilota, otri remate de tozuelo de Lafita lo salvaba milagrosamente un espectacular Múnua. Hasta que en lo minuto 70 Gabi otra vez, ''qué gran'', chutaba un zapatazo dende fuera de l'area puyando lo 0-2 ta lo marcador. Stuani en lo minuto 75 marqué lo gol de l´ honor pa lo Levante, pero no habié tiempo pa más. Fiesta en lo Ciudad de Levante, y en lo Bar Subordan d' Echo en do los que no podieron marchar ta Valencia celebreron la permanencia por todo lo alto. Lo nos merecemos.